Андроид-роботлар

Sofia андроид-робот Гонконгниг “Hanson Robotics” компанияси томонидан яратилган бўлиб, 2015 йилнинг 19 апрель куни активация қилинган. “The Science” журналида келтирилган маълумотларга кўра, Sofia сунъий идрок дастури ва замонавий микропроцессор билан таъминланган бўлиб, кун сайин атроф муҳитни ва инсонларнинг хатти-ҳаракатини ўрганиш дастурий таъминотига эга. Бу дегани, Sofia инсон каби ўз устида ишлаб, ривожланиш қобилиятига эга. Яъни, унинг хатти-ҳаракатлари, ўзини тутиши, бошқалар билан мулоқат қилиши ҳам одамларники каби табиий кўринади. Роботнинг яратувчиси Девид Хенсоннинг таъкидлашича, Sofia турли одамларнинг юзини ва овозини ажратиш ва сақлаб қолиш қобилиятига эга бўлган “Alphabet” тизими билан жиҳозланган. Сунъий идрокнинг дастурий таъминоти “Singularity NET” компанияси томонидан яратилган. Бир неча йил мобайнида Sofia кўп маротаба такомиллаштирилди, эндиликда у сезги сенсорлари ва замонавий материаллардан ташкил топган тери билан жиҳозланган.