Қитьаларни туташтириб турадиган ер ости йўллари

Йигирма биринчи асрда, археология соҳасида илм-фан қонунларига тўғри келмайдиган топилмалар инсоният тарихида из қолдирди десак муболаға бўлмайди. Баъзилари эса инсоннинг ақл заковатга ҳам зид келади. Қадимги туннеллар тўғрисидаги янгиликлар илк бора 2011 йилнинг 8 август куни “Daily Mail” газетасида нашрга чиқди. Мақолада келтирилишича, қадимги туннеллар Евро-Осиё қитъасида жойлашган кўп мамлакатлар ҳудудларидан топилган. Маълумотларга кўра улардан бири Шотландия ҳудудидан бошланиб, Туркия мамлакатигача борар экан. Мутахассис олимлар фикрига кўра, бу қадимги ер ости йўллари бир неча минг йиллар аввал яратилган. Яна бир немис археологи профессор Генрих Куш юзлаб туннелларни Бавария ва Австрия ҳудудларидан аниқлаган. У ҳаттоки қадимги туннеллар тўғрисида “Қадимги дунёга очиладиган ер ости эшиклари” номли китобни нашрга чиқарган. Бу китоб кўплаб тилларга таржима қилинган. Шундай ер ости йўллари Россия ҳудудидан ҳам топилган. Улардан бири Қрим оролидан бошланиб, Краснодар, Ейск, Ростов-Дон шаҳарларидан кесиб ўтади ва Поволжегача етиб боради. Словакия ва Польша ҳудудида ҳам қадимги туннелларнинг бирлашган жойи аниқланган. Китобда келтирилган маълумотларга қараганда туннелларнинг кесишган нуқтасидан Англия, Германия, Россия, Кавказ, Хитой, Япония ва Америка қитъасига йўл очилар экан. “Science Daily” журналида чиққан мақолада олим Эндрю Томас Шимолий Америка қитъаси тагидан ўтган ер ости йўллари тўғрисида маълумот берган. Мақолада келтиришича эр-хотин Айрис ва Ник Маршал Калифорния штатида жойлашган Бишоп шаҳарчасининг яқинидан бир ғорни топиб олишган. Табиий ҳолатда қизиқиш юзасидан эр-хотин ғорга киришган ва уларнинг назарига тушган манзара эр-хотинни ҳайратга солган. Бу манзарани гувоҳи бўлишган Айрис ва Никкининг изоҳлашича туннелнинг деворлари ойнадак силлиқ ва тўғри экан.